Über Uns

Aes chlis u wendigs Rössli heisi gsuecht,
die Buurelüt im Bärggebiet.
Schaffe sölls grad wienä Grossä,
doch Haferfrässe das wie mier lieber vergässä.
O bim usgseh wie mier nid sparä,
äs macht sich guet, so ä blondi Miss am Sunntigs – Chare.
Das als i eim Ross d’s findä,
erlist de o no di Bärnergrinde.
D’Oschtschwiizer hei scho vo dene Rössli
mit wiisse Mähnä u hübsche Chöpfli.
Haflinger hiise si, u chömä vom Tirol,
Bärner finde, die Tier si wundervoll.

Aes paar initiativi Manne, si zämä gschtandä,
u gli druuf si d’Haflinger Thun entstande.
Hans u Edi, zwe vo dene Pionier,
begrüsse mier ganz härzlich hie.
Vor 40 Jahr heisi gholfä gründe,
ä Gnosseschaft vo dä Haflingerfründe.
Für di nächschte 40 Jahr tüe mier üs wünsche,
das mier no viel sötigi Idealischte chöi finde.